Check to restrict your search with:
Menu

Vyāsa-pūjā 2025

Madhusmita Mitravindā Devī Dāsī (New Delhi - India)

Śrīla Prabhupāda kī jaya!
Guru Mahārāja kī jaya!

Ādarṇīya ādhātmika pitā ke caraṇa-kamalon meṁ koṭi-koṭi daṇḍavat-praṇām.

Guru Mahārāja, āp se dīkṣā lene ke bād merī life meṁ bahut badlāva āyā hai. Merī spiritual life meṁ kabhī-kabhī parīkṣā hotī hai, par jab āpkā dhyān kartī huṁ tab sab ṭhīk ho jātā hai.

Āp śārīrik svāstha na hokar bhī jis tarah sādhana karte haiṁ, usse hameṁ yah seekhne ko miltā hai ki ham śarīr nahīṁ, ātmā haiṁ.

Kabhī-kabhī sochtī huṁ, agar Śrīla Prabhupāda na hote to hameṁ Kṛṣṇa-kī bhakti ke bāre meṁ kaun batātā? Prabhupāda ne hameṁ jīvan kā lakṣya diyā hai—24 ghante busy karke hameṁ mind free kar diyā hai.

Aur Guru Mahārāja, āpkī kṛpā se cār niyam aur 16 mālā daily ho rahī hai. Prayāsa jārī hai ki jyādā se jyādā logoṁ ko Kṛṣṇa-bhakti meṁ joḍ sakeṁ.

Guru Mahārāja, Kṛṣṇa se prārthanā kartī huṁ ki hameśā āp par unkī kṛpā banī rahe aur āpkī kṛpā ham sab par banī rahe.

Guru Mahārāja, mere putra kī is sāla nava-jīvana (married life) kī śurūāt hone vālī hai. Āp se prārthanā hai ki āp āśīrvāda dene kī kṛpā kareṁ. Āpkī kṛpā hameśā sarva-bhakton par aur mere parivār par banī rahe.

Kṛṣṇa hameśā āpko svāstha rakhe.
Guru Mahārāja kī jaya!

Āpkī spiritual daughter,
Madhusmita Mitravindā Devī Dāsī
Delhi, Chipī Barā